Zoram Muanpuii te chhungkua hi anu hova khawsain chhungkaw inngeih tak, mahse
khawsa ve naw naw an ni a, Muanpuii hi police SI niin Kolasib ah post a ni a, a thawhpui ASI Baby
nen an inngai zawng a. Muanpuii(@Zoram Muanpuii) nau Puitei chuan pasal a neih dawn vangin
chawlh la-in inah a haw a. Chutih laiin a nau pasal tur Sangpuia nu Pi Hruaii chuan a monu tur
Puitei ai chuan an hausak pui, a thiannu fanu Siamtei chu mo atan an duh zawk si a. Remruatna
verther tak hmangin Puitei leh Sangpuia te inneih dawn tukah buaina siamin inneih chu chawpchilh
takin a thulhtir ta a. Inneih thulh a nih thu chuan Muanpuii nu Pi Tlangi chu rilru hah leh thawhhah
vangin nikhaw hre lovin a siam a, chutihlaiin Puitei pawh rilru hah leh tawt em em vangin ngaihtuahna
fim pawh hmang thei lovin bualinah a inawkhlum ta! Muanpuii rilru mangang leh talbuai chu a
khawngaihthlak kher mai, mahse a naupan tet lai atanga apain mipa anga a lo hrual chhoh Muanpuii
chuan rilru fim a pu leh thei hram hram a. Chutihlai chuan Puitei ruang chunga chhungkaw aiawha
pangpar/puan rawn dahtu Sangpuia u Police officer Rinawma chuan Muanpuii hmel a hmuh chuan
khawngaihna leh hmangaihna mitin a thlir ta tlawk tlawk a
