“Lalruanga:The Ressurection” hi Mizo hla/thawnthu hlun, Lalruanga, dawithiam fing leh hriat phak loh a thiltithei, Mizo te thawnthu a dai thei tawh lo tur chanchin zulzui a siam a ni a. Hmanlai thawnthu ah chuan, Lalruanga hi dawithiam chak,phakar leh thil tithei tak a ni a, a hunlai a dawithiam chak ber pawl a ni nghe nghe. Mahse, a ngaihsamna chuan a tlukchhiatna a thlen ta a, Zangkaki, a pa thah sak tak chuan phuba lak tum in, Lalruanga chu a inah a bum lût ta a. Chumi ni tak mai chuan vanduai thlak tak
maiin Lalruanga chuan a dawibur tha mi chu a lo keng lo hlauh si a, tichuan
Zangkaki dawi chu hneh ta lo in Zangkaki dawi chuan a phuar bet a, an awmna in
chawp chuan lungah a chantir ta a, a taksa pawh chu lung ah changin , chu lung in
chu tun thlengin Mizoramah a la ding a, Lalruanga chet tlatna hnuhma ni a an chhal
tam tak pawh hi Mizoram dung leh vang ah hmuh tur a awm nual a ni.
Tichuan kum tam tak hnuah Zangkaki leh Lalruanga chanchin chu tawp mai lo in an thlah te ah a rawn in lar thar leh ta a, Lalruanga thlarau chuan thawh lehna a zawng a — a anchhia, sut tur chuan thil ti thei tak an awm a ngai a , bunghuai tam tak lakah chuan Zangkaki chuan thu neihna a nei si a.
